کبریٰ خان و گوہر رشید کی حمایت میں ایمن سلیم بول پڑیں
لاہور(شوبزڈیسک)اداکارہ ایمن سلیم شادی کے بندھن میں بندھنے والی ساتھی فنکار جوڑی اداکارہ کبریٰ خان اور اداکار گوہر رشید کے دفاع میں بول پڑیں۔
انہوں نے انسٹا سٹوری شیئر کرتے ہوئے سوشل میڈیا صارفین کو تنقید کا نشانہ بنایا اور کہا کہ شادی کی تقریبات ذاتی چیز ہیں، اس لیے اگر اچھی بات نہیں کہہ سکتے تو برا بھی نہیں کہنا چاہیے، جب کبھی کوئی اپنی زندگی اپنی خوشی سے جینے کی کوشش کرتا ہے تو لوگوں کو اس پر غیر ضروری تنقید کرنے سے گریز کرنا چاہیے۔ اگر ایک سیلیبریٹی جوڑا مقدس مقام پر نکاح کرتا ہے اور پھر اپنی مرضی اور خوشی سے اپنی شادی کا جشن مناتا ہے تو اس میں آپ کو کیا تکلیف ہے؟ یہ آپ کو کس طرح متاثر کر رہا ہے؟ لوگوں کے لیے دوسروں کی خوشی میں خوش رہنا اتنا مشکل کیوں ہے؟، کسی کو کسی دوسرے کے اخلاص یا ایمان پر کسی دوسرے کو سوال کرنے کا کوئی حق نہیں ہے، ایمان ہو یا جشن منانا یہ ذاتی معاملہ ہے، اگر آپ کسی کی خوشی میں خوش نہیں ہو سکتے تو اپنے کام سے کام رکھیں۔
