امریکی گلوکارہ کیٹی پیری کا ویمن سپیس فلائٹ کیساتھ خلا کا سفر
لاس اینجلس(شوبزڈیسک)امریکی گلوکارہ کیٹی پیری نے ‘آل ویمن سپیس فلائٹ’ کے ساتھ خلا کی سرحد عبور کرلی۔ کیٹی پیری نے پیر کے روز خلا کی ایک مختصر پرواز کی، جس میں صرف خواتین پر مشتمل عملہ شامل تھا۔
یہ پرواز امریکی بزنس مین جیف بیزوس کی خلائی کمپنی ‘بلو اوریجن’ کے ذریعے امریکی ریاست ٹیکساس سے صبح 8:30 بجے روانہ ہوئی اور تقریباً 10 منٹ بعد بحفاظت زمین پر واپس آئی۔اس مشن میں کیٹی پیری کے ساتھ جیف بیزوس کی منگیتر لورین سانچیز اور مشہور ٹی وی میزبان گیل کنگ سمیت چھ خواتین شامل تھیں۔ راکٹ نے زمین سے 100 کلومیٹر (تقریباً 62 میل) کی بلندی تک پرواز کی، جو خلا کی بین الاقوامی طور پر تسلیم شدہ سرحد ‘کارمن لائن’ سے آگے ہے ۔گیل کنگ کے مطابق پرواز کے دوران پیری نے ‘واٹ آ ونڈرفل ورلڈ’ گانا گایا۔ واپسی پر پیری نے راکٹ سے باہر نکل کر زمین پر بوسہ دیا اور کہا، ‘یہ ایک 10 میں سے 10 تجربہ تھا’۔یہ مشن 1963 کے بعد پہلا ‘آل ویمن سپیس فلائٹ’ مشن تھا، جب ویلینٹینا تیراشکووا نے اکیلے خلا کا سفر کیا تھا۔
