قتل کے مقدمہ میں مونس الٰہی کو اشتہاری قرار دئیے جانے کا فیصلہ واپس
لاہور(مانیٹرنگ ڈیسک ) رہنما پاکستان تحریک انصاف مونس الٰہی کے خلاف گجرات میں درج قتل و معاونت کا مقدمہ جھوٹا ثابت ہو گیا۔ عدالت نے مدعی اور گواہان کے بیانات حلفی کے بعد مونس الٰہی کو اشتہاری قرار دینے کا فیصلہ واپس لے لیا۔
مقدمہ کے مدعی محمد اکرم اور گواہان محمد اسجد اور سجاد اشرف نے عدالت میں بیان حلفی جمع کروا دیئے ۔ مونس الٰہی کی والدہ بیگم قیصرہ الٰہی نے فیصلے کے خلاف اپیل دائر کی تھی۔ گجرات کے سیشن مجسٹریٹ سیف اللہ تارڑ نے درخواست پر سماعت کی۔ مدعی محمد اکرم کے مطابق پولیس نے مذکورہ وارنٹ غیر قانونی طور پر حاصل کیا لہٰذا مونس الٰہی کے خلاف وارنٹ گرفتاری معطل کیا جائے ۔
روزنامہ دنیا ایپ انسٹال کریں
