ٹک ٹاک بنانے پرپاکستانی نژاد امریکی بیٹی کو باپ نے قتل کیا
کوئٹہ(سٹاف رپورٹر)کوئٹہ میں پاکستانی نژاد امریکی لڑکی کے قتل کیس کا معمہ حل ہوگیا 15 سالہ ٹک ٹاکر لڑکی کے قتل کے الزام میں باپ اور ماموں کو گرفتار کر لیا گیا ۔
تفصیلات کے مطابق کوئٹہ میں 15 سالہ ٹک ٹاکر لڑکی منع کرنے کے باوجود ٹک ٹاک ویڈیو بنا تی تھی ، بلوچی سٹریٹ کے رہائشی انوار الحق نے بیٹی پر ماموں طیب علی سے فائرنگ کروائی ، پولیس نے لڑکی کے باپ اور ماموں کو گرفتار کرلیا ۔ انہوں نے دوران تفتیش اعتراف جرم کرلیا ۔ پولیس نے ملزمان کے خلاف مقدمہ درج کرکے کیس سیریس کرائم انویسٹی گیشن ونگ کے حوالے کردیا ۔ پولیس کے مطابق انوار الحق اپنے بیوی بچوں کے ہمراہ امریکا شفٹ ہو گیا تھا، چند روز قبل کوئٹہ آیا ، باپ نے اپنے سالے طیب علی کے ساتھ ملکر بیٹی کو قتل کرنے کا منصوبہ بنایا ، ملزم اپنی بیٹی حرا کو گھر کے باہر لے گیا، ملزم نے بیٹی کے سوشل میڈیا پر ویڈیوز بنانے ، طرززندگی پرطیش میں آکرقتل کیا، 15سالہ مقتولہ حرا دہری شہریت رکھتی تھی جبکہ مقتولہ کی والدہ ، 2 بہنیں ، امریکا میں مقیم ہیں ۔ انوار الحق 28سال سے امریکا میں تھا ۔
