دہشت گرد ی کے خاتمے کیلئے پختونخوا حکومت سے نجات شرط :امیر مقام
اسلام آباد(نامہ نگار)پاکستان مسلم لیگ (ن) خیبر پختونخوا کے صدر اور وفاقی وزیر انجینئر امیر مقام نے کہا کہ خیبرپختونخوا میں دہشت گردی کے خاتمے کیلئے صوبے میں مسلط سیاسی دہشت گرد حکومت سے نجات پہلی شرط ہے۔
وزیراعلی ٰعلی امین گنڈا پور اور بیرسٹر محمد علی سیف کے بیانات پر جوابی ردعمل میں وفاقی وزیر نے کہا کہ خیبرپختونخوا میں دہشت گردی کے خاتمے کے لئے صوبے میں مسلط سیاسی دہشت گرد حکومت سے نجات پہلی شرط ہے ۔دہشت گرد خود حکومت میں ہوں تو دہشت گردی کیسے ختم ہو گی؟انہوں نے کہا کہ وزیراعلیٰ خیبرپختونخوا صوبے کو اللہ کے حوالے کرکے خود اسلام آباد میں آرام فرما رہے ہیں ، وزیر اعلیٰ اور مشیروں کو بیانات، اعلانات اور تشہیری سرگرمیوں سے فرصت نہیں ، وزیر اعلیٰ اور انکے مشیروں کو صوبے اور اس کے عوام کے بجائے اڈیالہ جیل کے قیدی کی فکر زیادہ ہے ۔وزیر اعلی ہدایات کے لئے اڈیالہ جیل کے دروازے پر بیٹھا رہے گا تو صوبہ کیسے چلے گا؟
