خاتون مسافر کی طبیعت خراب دبئی سے ڈھاکا جانیوالی پرواز کی کراچی میں ایمرجنسی لینڈنگ
کراچی (آئی ا ین پی ) دبئی سے ڈھاکا کی پرواز میں سوار خاتون مسافر کی طبیعت خراب ہونے پر طیارے نےکراچی میں میڈیکل ایمرجنسی لینڈنگ کی۔
ایوی ایشن ذرائع کے مطابق غیر ملکی ایئر لائن کی پرواز ایف زیڈ 501 دبئی سے ڈھاکا جارہی تھی کہ بھارتی فضائی حدود میں طیارے میں سوار ایک بنگلا دیشی خاتون مسافر کی طبیعت خراب ہوگئی۔ پائلٹ نے انسانی ہمدردی کی بنیاد پر قریب ترین کراچی جناح انٹرنیشنل ایئرپورٹ کے ایئر ٹریفک کنٹرولر سے ایمرجنسی لینڈنگ کی اجازت طلب کی۔اجازت ملنے پر بوئنگ 737 طیارے نے جناح ایئرپورٹ پر میڈیکل ایمرجنسی لینڈنگ کی۔کراچی ایئرپورٹ پر ڈاکٹرز نے خاتون مسافر کو ہنگامی طبی امداد دی۔ طبیعت زیادہ خراب ہونے پر خاتون مسافر کو میڈیکل ٹیم نے نجی ہسپتال منتقل کردیا۔
روزنامہ دنیا ایپ انسٹال کریں
