یو اے ای کیساتھ ہر شعبے میں مزید تعاون کے خواہاں :وزیر داخلہ
اسلام آباد(این این آئی)وفاقی وزیر داخلہ محسن نقوی نے کہا ہے کہ یو اے ای کے ساتھ برادرانہ تعلقات ہر پاکستانی کیلئے اثاثہ ہے ، سکیورٹی سمیت ہر شعبے میں تعاون کو مزید وسعت دینا چاہتے ہیں، وزیر داخلہ کی دورہ متحدہ عرب امارات کے دوران یو اے ای کے نائب وزیر اعظم و وزیر داخلہ سے ملاقات ہوئی۔
اماراتی وزارت داخلہ آمد پر محسن نقوی کا پْرتپاک استقبال کیا گیا اور انہیں گارڈ آف آنر پیش کیا گیا ، ملاقات میں پاکستانی شہریوں کو درپیش یو اے ای ویزا کے ایشوز سکیورٹی تعاون، انسدادِ منشیات وسمگلنگ، غیر قانونی امیگریشن کی روک تھام کے لی اشتراک کار بڑھانے اور ٹیکنالوجی کے تبادلے پر گفتگو کی گئی۔ملاقات میں سکیورٹی چیلنجز سے نمٹنے کیلئے جدید ٹیکنالوجی خصوصاً آرٹیفشل انٹیلی جنس سے استفادہ کرنے کی ضرورت پر زور دیا گیا ،یو اے ای کے وزیر داخلہ کی اس ضمن میں ہر ممکن تعاون کی یقین دہانی کروائی گئی۔
