SIFCحکمت عملی:پاکستان سیاحت، سرمایہ کاری کا عالمی مرکز
اسلام آباد (خصوصی نیوز رپورٹر) ایس آئی ایف سی کی مؤثر حکمت عملی نے پاکستان کو سیاحت کے نئے مواقع اور توجہ کا مرکز بنا دیا، ایس آئی ایف سی کی معاونت سے پاکستان کا سیاحتی شعبہ نئی ترقیاتی جہتوں کی جانب گامزن ہے۔
سیاحتی اصلاحات نے پاکستان کو جنوبی ایشیا میں بین الاقوامی سرمایہ کاری کا پرکشش ہب بنا دیا، جدید انفراسٹرکچر اور سہولیات کی فراہمی کے باعث سیاحتی سرگرمیوں میں تیزی آ رہی،حکومت نے سسٹین ایبل ٹورزم ایکسپو اینڈ فورم کیا جس کا مقصد سیاحت اور سرمایہ کاری کو فروغ دینا تھا۔ وفاقی وزیر سرمایہ کاری قیصر احمد شیخ نے کہا پاکستان تاریخی و ثقافتی ورثے سے مالا مال ہے ، بے شمار سیاحتی مقامات اور دنیا کی بلند ترین چوٹیاں موجود ہیں، حکومت سیاحت کے ذریعے معیشت کو فروغ، روزگار کے مواقع اور مقامی کمیونٹیز کو تقویت دینے کیلئے اقدامات کر رہی، ایس آئی ایف سی کی سہولت کی بدولت آن لائن ویزا اور ویزا آن ارائیول پاکستان کو غیر ملکی سیاحوں کیلئے پرکشش بنادیا ہے ، ایس آئی ایف سی کی مؤثر حکمت عملی، پاکستان کو سیاحت اور سرمایہ کاری کا عالمی مرکز بنا رہی ہے ۔
