رنگوں کا انتخاب
گھر ہمارے لیے پناہ گاہ کا کام کرتا ہے۔ جب ہم دنیا بھر کی سرگرمیوں سے تھک جاتے ہیں تو سب سے زیادہ سکون کا احساس اپنے ہی گھر میں ہوتا ہے اس لئے گھر کو ایسے انداز میں سجا سنورا ہونا چاہئے کہ وہ واقعی تھکن کا احساس ختم کر دے۔پہلے وقتوں میں لوگ پورے گھر کو ایک ہی رنگ کا پینٹ کروا دیتے تھے مگر اب ایسا ٹرینڈ ہرگز نہیں رہا،گھر کی ہر جگہ کا استعمال مختلف ہے، اس لئے اس کی سجاوٹ اور رنگوں کا انتخاب بھی مختلف ہو تو اس سے آپ کے موڈ پر مثبت اثر پڑے گا۔یہاں ہم آپ کیلئے کچھ مفید ٹپس فراہم کررہے ہیں امید ہے آپ اس سے مستفید ہوں گی۔
ڈائننگ روم:کھانے کی ٹیبل تب تک خوبصورت نہیں لگتی جب تک آپ اس پر مختلف رنگ نہ بکھیر دیں۔ یعنی رنگ ہی آپ کی جامد سی دنیا میں ہلچل پیدا کرسکتے ہیں۔ اس لئے اپنی ڈائننگ ٹیبل کیلئے کچھ رنگ دار میٹس کا استعمال کریں اور ڈائننگ روم کی دیواروں پر بھی کچھ خوبصورت رنگ کروائیں جیسے اورنج، لائٹ گرین۔
لیونگ روم: ’’درمیانے رنگ‘‘یعنی جو زیادہ گہرے ہو نہ ہی ہلکے، لیونگ روم کیلئے بہترین سجاوٹ کا کام دیتے ہیں جیسے کیمل، بیج، لائٹ برائون۔ اگر آپ اپنے لیونگ روم کو پرسکون بنانا چاہتے ہیں تو ایسے ہی رنگوں کا استعمال کریں،کھڑکی کے سامنے والی دیوار پر شیشے ضرور لگائیں تاکہ باہر کا منظر اندر آسکے تاکہ آپ خود کو مدہم روشنی کے ساتھ پرسکون محسوس کرسکیں۔
بچوں کا کمرہ:بجائے یہ کہ آپ لڑکیوں کیلئے پنک اور لڑکوں کیلئے بلیورنگ کا انتخاب کریں اس سے بہتر ہوگا کہ آپ روایتی انداز سے ہٹ کر کچھ نیا اور اچھا کریں۔ بچوں کے روم میں ہر دیوار کو مختلف رنگ یا انداز میں سجائیں جیسے کہ پیلے، جامنی ، اورنج یا شوخ رنگ۔ یا پھر جو آپ کے بچے پسند کریں۔ اگر آپ کا بچہ بہت زیادہ ایکٹیوہے تو اس کیلئے پیلا اوراورنج رنگ بہترین ثابت نہیں ہوگا کیونکہ یہ تینوں رنگ یا تو ذہن کو پرسکون کردیتے ہیں یا پھر بہت تیز مزاجی عطا کرتے ہیں۔ ایسے میں ان کے کمرے کیلئے گرین رنگ زیادہ بہتر ہو گا۔ اسی طرح اگر آپ کا بچہ پرسکون مزاج کا ہے تو اس کے کمرے کیلئے آپ نیلے رنگ کا انتخاب کرسکتے ہیں۔
کچن : کچن کیلئے کسی بھی طرح کی سجاوٹ سے زیادہ ضروری یہ ہے کہ وہ صاف ستھرا ہو، اپنے کچن کو غیر ضروری اشیاء سے دور رکھیئے اور صرف ان چیزوں کا ہی استعمال کیجئے جو ضروری ہوں۔ کچن کیلئے کچھ تخلیقی رنگوں کا استعمال کیجئے جیسے گولڈن، بوٹل گرین یا پھر اورنج۔ تینوں ہی متاثر کن رنگ کہلاتے ہیں۔
باتھ روم:اپنے باتھ روم کیلئے پانی کے رنگ کا ہی استعمال کیجئے اب آپ کہہ سکتے ہیں کہ پانی کا تو کوئی رنگ نہیں ہوتا۔ تو اس کے رنگ سے ہماری مراد سفید، نیلے اور چمکدار سلوررنگ کی ہے۔ اگر آپ ان کا استعمال کریں گے تو آپ اپنے واش رومز کو خوبصورت سی سائیڈ جیسا منظر دے پائیں گے۔
بیڈروم: آپ کے بیڈ رومز کیلئے سب سے زیادہ ضروری یہ ہوتا ہے کہ آپ بیڈروم میں بیڈ کی فرنٹ سائیڈ پربڑی کھڑکی کا استعمال کریں تاکہ سورج کی روشنی کے ساتھ ساتھ قدرتی مناظر بھی آپ کے کمرے میں اتر سکیں۔ اگر آپ کو نیند نہ آنے کی شکایت ہے تو آپ اپنے بیڈروم کیلئے نیلے رنگ کا انتخاب کرسکتے ہیں۔ اپنے بیڈرومز میں کبھی ٹی وی، سی ڈی پلیئر یا ڈیجیٹل کھڑکیوں کو نہ رکھیں۔ یہ چیزیں نیند کو خراب کرنے کا باعث بن سکتی ہیں۔
سٹڈی روم: اگر آپ سٹڈی رومز کو روز اپنے کام کیلئے استعمال کرتے ہیں تو کوشش کریں کہ وہاں گولڈن یا پیلے رنگ کا انتخاب کریں۔