مینی کیورہفتہ میں ایک بار ضروری
کون ایسا ہے جسے خوبصورت ہاتھ متاثر نہ کرتے ہوں؟ خوبصورتی کو توجہ کی ضرورت ہر دور میں رہی ہے،کیونکہ حسن کو قائم رکھنا انسان کے اپنے ہاتھ میں ہے۔ہاتھوں اور چہرے پر براہِ راست دھوپ اور مٹی پڑتی ہے یہی وجہ ہے کہ ان دونوں کو توجہ کی ضرورت بھی زیادہ ہوتی ہے۔
موسم کی تبدیلی کے باعث نہ صرف ہاتھوں کی حساس جلدکے خراب ہونے کا خدشہ ہوتا ہے بلکہ اس سے ناخنوں کے بد رنگ ہو جانے کے امکانات بھی بڑھ جاتے ہیں۔ ہاتھوں کی دلکشی اور خوبصورتی کوبڑھانے کیلئے آپ گھر میںہی مختصر سے وقت میں اپنا بہترین مینی کیور کر سکتی ہیں۔
مینی کیورکیلئے مندرجہ ذیل چیزوں کی ضرورت ہوتی ہے۔مینی کیور کٹ، نیل پالش ریموور، کیوٹیکل کریم، نیل پالش،چھوٹا نرم تولیہ، ڈیٹول، شیمپو، ہاتھوں کیلئے عمدہ کریم۔ مینی کیور کا طریقہ کار نوٹ کر لیں۔
سب سے پہلے اپنے ہاتھوں کو صابن سے اچھی طرح دھولیں۔ پھر ہاتھوں کو تولیے سے خشک کرنے کے بعد اپنے ہاتھوں کے ناخن پر پہلے سے لگی نیل پالش کو نیل پالش ریموور کے ساتھ صاف کر لیں۔ اس کے بعد تھوڑی مقدار میں تیل اور چینی لے کر ان کو ایک پلاسٹک کے برتن میں اچھی طرح مکس کر لیں۔
پھر اس آمیزے کو ایک طرف رکھ کراپنے ناخن کو فائلر کی مدد سے مطلوبہ شکل میں فائل کر لیں۔ ناخنوں کو مناسب شکل دینے کے بعد سکرب لے کر اپنے ہاتھوں پر آہستگی کے ساتھ اس کا مساج کریں۔ پھر صابن استعمال کیے بغیر ہاتھوں کو تازہ پانی سے دھولیں اور تولیے سے ہاتھ خشک کرلیں۔آخر میں کوئی وائٹنگ کریم ضرور لگائیں اور دھونے کے بعد لوشن لگا کر چھوڑ دیں۔
ہفتہ میں ایک بار مینی کیور ضرور کریں۔ کپڑے دھوتے، برتن صاف کرتے، باغبانی ، پینٹ وغیرہ کرتے وقت ہاتھوں پر گلوز (دستانے) پہن لیں، اس سے آپ کے ہاتھ محفوظ رہیں گے۔
