پیٹ کمنز سمیت 5 آسٹریلوی کرکٹرز تیسرا ون ڈے نہیں کھیلیں گے
میلبرن(سپورٹس ڈیسک )آسٹریلیا کے کپتان پیٹ کمنز سمیت میچل سٹارک، جوش ہیزل ووڈ، مارنوس لابو شین اور سٹیو سمتھ پاکستان کے خلاف تیسرا ون ڈے میچ نہیں کھیلیں گے ۔
کرکٹرز بھارت کے خلاف بورڈر گواسکر ٹرافی کی تیاریوں کو حتمی شکل دینگے ۔تیسرے ون ڈے کیلئے زیوئیر بارلیٹ، سپینسر جانسن اور جوش فلپس کو آسٹریلوی سکواڈ میں شامل کیا گیا ہے ۔لانس مورس کو میلبرن میں ون ڈے سکواڈ میں شامل کیا گیا تھا۔کرکٹ آسٹریلیا کا کہنا ہے کہ جوش ہیزل ووڈ پاکستان کے خلاف دوسرے ون ڈے کیلئے دستیاب ہیں۔ جوش انگلس تیسرے میچ میں ٹیم کی قیادت کرینگے ، وہ پاکستان کے خلاف ٹی ٹونٹی سیریز میں بھی قیادت کریں گے ۔واضح رہے کہ جوش انگلس آسٹریلیا کے 30 ویں ون ڈے اور 14 ویں ٹی ٹونٹی کپتان ہونگے ۔
روزنامہ دنیا ایپ انسٹال کریں
