ڈپٹی چیئرمین سینیٹ کی قیادت میں پارلیمانی وفدرواں ماہ امریکا جائیگا
اسلام آباد(اپنے رپورٹر سے)سینیٹ کا اعلیٰ سطح کاپارلیمانی وفد ڈپٹی چیئرمین سینیٹ سیدال خان ناصرکی قیادت میں 20سے 25جنوری تک امریکا کا سرکاری دورہ کرے گا۔
پاکستان پالیسی انسٹی ٹیوٹ یو ایس اے کے زیر اہتمام اس دورے میں پہلی بار باضابطہ امریکہ پاکستان بین الپارلیمانی گروپ آئی پی جی کی شمولیت ہوگی جو اسٹریٹجک اور غیر روایتی پارلیمانی سفارت کاری کے ذریعے حاصل کی گئی پیش رفت کی نمائندگی کرے گی اور براہ راست قانون ساز اسمبلی کے ذریعے جمہوری اداروں کو مضبوط بنانے کے مشترکہ عزم کی عکاسی کرے گی۔ اس دورے میں نیشنل پریس کلب، واشنگٹن ڈی سی میں پریس کانفرنس اور میڈیا کی مصروفیات اور نیو جرسی میں کمیونٹی اور پالیسی استقبالیہ بھی شامل ہوگا۔
روزنامہ دنیا ایپ انسٹال کریں
