سیوریج شامل، صاف پانی کے نالے آلودہ: آبی حیات مرنے لگی
سیالکوٹ (نمائندہ دنیا )میٹرو کارپوریشن حکام کی غفلت ،شہر سے گزرنے والے 3 صاف پانی کے نالوں میں سیوریج کا پانی شامل کردیا۔
آبی مخلوق ہلاک ہونے لگی ۔ میٹرو پولٹین کارپوریشن سیالکوٹ حکام کی غفلت اور لاپروا ئی کے باعث مقبوضہ جموں و کشمیر سے سیالکوٹ شہر میں داخل ہوکر دریائے چناب میں داخل ہونے والے نالہ پلکھو،نالہ ایک اور نالہ بھیڈ میں سیالکوٹ شہر کے سیوریج ،ٹینریز کا پانی شامل کرکے تینوں آبی ذخیروں کے پانی کو آلودہ ترین کردیا جس کی بنا پر مذکورہ آبی ذخیروں میں پائے جانے والی مخلوق مچھلی، مینڈک ،کچھو ے ، سانپ ودیگر کا پانی میں آکسیجن نہ ہونے کی بنا پر ہلاک ہوگئے ہیں اور مذکورہ آبی ذخائر سیالکوٹ سے 60کلومیٹر سفر طے کرکے ہیڈ خانکی کے مقام پر دریائے چناب میں ملنے کے بعد دریائے چناب کے پانی کو بھی آلود ہ کررہے ہیں جس کی بنا پر دریائے میں پائی جانیوالی مخلوق بھی شدید متاثر ہورہی ہے اور فشریز ڈیپارٹمنٹ ہر سال دریائے چناب، دریائے جموں توی اور دریائے مناور توی میں لاکھوں مچھلیاں ،مچھلی کی پیدوارا کو بڑھانے کیلئے چھوڑنا پڑرہی ہیں۔ محکمہ فشریز کا کہنا ہے کہ آلودہ پانی آبی مخلوق کو شدید نقصان پہنچا رہا ہے ، مذکورہ آبی ذخیروں میں سیوریج کا پانی شامل کرنے پر پابندی کے فیصلے پر عملدرآمد کرایا جائے ۔
