ڈالر کے مقابلے میں روپے کی قدر تیزی سے بحال ہونے لگی
کراچی: (دنیا نیوز) ملک بھر میں امریکی ڈالر کے مقابلے میں روپے کی قدر تیزی سے بحال ہونے لگی۔
تفصیلات کے مطابق گزشتہ چند روز کے دوران ملکی معیشت میں مثبت اعشاریے ملنے ، آئی ایم ایف کی طرف سے قرض پروگرام بحال ہونے اور ترسیلات زر کے مسلسل بڑھتی ہوئی خبروں کے باعث روپے کی قدرتیزی سے بحال ہو رہی ہے۔
رواں ہفتے کے دوسرے کاروباری روز کے دوران اوپن مارکیٹ میں روپے کے مقابلے میں امریکی ڈالر 30 پیسے سستا ہو گیا اور نئی قیمت 159 روپے 10 پیسے ہو گئی ہے۔
Interbank closing #ExchangeRate for today: https://t.co/vWFIBJ5I9C pic.twitter.com/ArhewXoplO
— SBP (@StateBank_Pak) February 23, 2021
دوسری طرف سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق ملک بھر میں رواں ہفتے کے دوسرے کاروباری روز کے دوران روپے کے مقابلے میں امریکی ڈالر 18 پیسے سستا ہو گیا اور قیمت 159 روپے 7 پیسے سے کم ہو کر 158 روپے 89 پیسے ہو گئی ہے۔