کے آر ایل نے پی ٹی وی کو ہرا کر پریذیڈنٹ کپ جیت لیا
کراچی: (دنیا نیوز) پریذیڈنٹ ون ڈے کپ کے فائنل میچ میں کے آر ایل نے پی ٹی وی کو 4 وکٹوں سے ہرا کر ٹائٹل اپنے نام کرلیا۔
کے آر ایل کی ٹیم نے پی ٹی وی کی جانب سے ملنے والا 165 رنز کا ہدف 35 اوورز میں 6 وکٹوں کے نقصان پر حاصل کرلیا، شاہزیب خان 53 اور افتخار احمد 25 رنز بناکر نمایاں رہے۔
قبل ازیں کراچی میں کھیلے گئے فائنل میں پی ٹی وی کی ٹیم پہلے کھیلتے ہوئے 41ویں اوورز میں 164 رنز بناکر آؤٹ ہوگئی، شمائل حسین 50 اور عماد بٹ 24 رنز بناکر نمایاں رہے، سفیان مقیم اور احمد حسن نے تین تین وکٹیں حاصل کیں۔
