کراچی میں نوجوان کی تشدد زدہ گلا کٹی لاش برآمد
کراچی: (دنیا نیوز) شہر قائد میں نوجوان کی تشدد زدہ گلا کٹی لاش ملی جسے تیز دھار آلے سے قتل کیا گیا۔
واقعہ منگھو پیر کے علاقے نہر پمپنگ سٹیشن کے قریب پیش آیا، لاش کی اطلاع پر پولیس اور ریسکیو عملہ موقع پر پہنچ گیا، پولیس نے معائنہ کے بعد لاش کو تحویل میں لے کر عباسی شہید ہسپتال منتقل کردیا۔
ایس ایچ او غلام حسین کورائی نے بتایا کہ مقتول کی شناخت نہیں ہوسکی ہے، تاہم عمر 30 سال کے قریب بتائی گئی ہے جسے کسی تیز دھار آلے کی مدد سے قتل کر کے مذکورہ مقام پر پھینکا گیا ہے، اس حوالے سے پولیس واقعہ کی مزید جانچ کر رہی ہے۔
