فیروزوالہ میں پولیس مقابلہ: خطرناک شوٹر اور ڈکیت مارا گیا
فیروزوالہ: (دنیا نیوز) تھانہ فیکٹری ایریا کے علاقہ موٹر وے پل کے قریب پولیس مقابلہ میں خطرناک شوٹر اور ڈکیت علی رضا عرف موالی ہلاک ہوگیا۔
پولیس حکام کے مطابق تھانہ فیکٹری ایریا پولیس ملزم علی رضا کو ریکوری کے لئے لے کر جارہی تھی، سیم نالہ پل کے قریب ملزم کے ساتھیوں نے پولیس وین پر اندھا دھند فائرنگ کر کے زیر حراست ملزم فیاض کو چھڑوا لیا۔
پولیس نے فوری ناکہ بندی کروا کر ملزمان کا تعاقب جاری رکھا، دوران سرچ آپریشن ملزم علی رضا عرف موالی کی نعش برآمد ہوئی، ملزم ساتھیوں کی فائرنگ سے ہلاک ہوا۔
پولیس حکام نے مزید بتایا کہ ہلاک ہونے والا خطرناک ملزم علی رضا عرف موالی درجنوں سنگین نوعیت کے مقدمات میں ریکارڈ یافتہ تھا۔
