طیفی بٹ کے بہنوئی جاوید بٹ کے قتل کے کیس میں اہم پیش رفت
لاہور: (دنیا نیوز) طیفی بٹ کے بہنوئی جاوید بٹ کے قتل کے کیس میں اہم پیش رفت سامنے آگئی۔
ذرائع کے مطابق مرکزی ملزم امیر فتح کے گھر میں پولیس نے چھاپہ مارا، جوائنٹ انویسٹی گیشن ٹیم نے امیر فتح کے گھر رنگ محل میں ریڈ کیا۔
امیر فتح اہلخانہ سمیت گھر سے روپوش تھا، گھر کو تالے لگا کر ملزم اہل خانہ سمیت فرار ہو چکا تھا، جوائنٹ انویسٹی گیشن ٹیم نے امیر فتح کے تین ملازمین کو حراست میں لے لیا۔
ذرائع کا کہنا ہے کہ ملازمین سے مرکزی ملزمان کے بارے میں پوچھ گچھ کی جائے گی، عدالت نے امیر فتح کی ضمانت آج خارج کر دی تھی۔
جوائنٹ انویسٹی گیشن ٹیم نے امیر فتح کو اپنی تفتیش میں گنہگار قرار دیا تھا، جاوید بٹ کو گزشتہ سال موٹرسائیکل سواروں نے گولیاں مار کر قتل کیا تھا۔
