ثنا فخر کو دھمکی آمیر کالز موصول، اداکارہ کا سابقہ شوہر اور سسر پر ہراساں کا الزام
کراچی: (دنیا نیوز) اداکارہ ثنا نے کہا ہے کہ انہیں مختلف نمبروں سے دھمکی آمیز کالز آرہی ہیں اور گاڑی کا پیچھا کیا جارہا ہے، انہیں اور ان کے بچوں کو دھمکیاں دی جا رہی ہیں۔
اداکارہ ثنا نے اپنے ویڈیو بیان میں کہا کہ ان کا سوشل میڈیا اکاؤنٹ بھی بند کر دیا گیا ہے، اداکارہ نے الزام عائد کیا کہ انہیں سابقہ شوہر اور سسر کی جانب سے بھی ہراساں کیا گیا۔
ان کا مزید کہنا تھاکہ وہ بہت اذیت میں ہیں اور پریشانی سے دوچار ہیں، وہ کسی غیر قانونی سرگرمی کا حصہ ہیں اور نہ حصہ لیناچاہتی ہیں۔
انہوں نے کہا کہ وہ متعلقہ اداروں کے ذریعےقانونی چارہ جوئی کرنےجارہی ہیں، یہ اوچھے ہتھکنڈے ہیں وہ پیچھےنہیں ہٹیں گی اور مقابلہ کریں گی۔
خیال رہے کہ 2022 میں اداکارہ ثنا نے شادی کے14 سال بعد شوہر سے علیحدگی اختیار کرلی تھی۔
