آئی پی پیز کو ادائیگیوں کا بوجھ 1800 ارب روپے تک پہنچ گیا
اسلام آباد:(مدثر علی رانا) آئی پی پیز کو ادائیگیوں کا بوجھ 1800 ارب روپے تک پہنچ گیا۔
ذرائع کے مطابق وزارت خزانہ اور وزارت توانائی پر آئی پی پیز کی ادائیگیوں کیلئے دباؤ بڑھا دیا کہ آئی پی پیز کی ادائیگیوں کیلئے رقم کا اجرا کیا جائے اور فیول سپلائی کو بہتر بنایا جائے۔
وزرات خزانہ کے ذرائع نے بتایا کہ آئی پی پیز کو ادائیگیوں میں تاخیر کرنے سے توانائی کی پیداوار میں کمی کا خدشہ ہے جبکہ سرکاری گارنٹی کے سبب ادائیگیوں میں تاخیر سے لیٹ پیمنٹ سرچارچ عائد ہونے کا بھی خدشہ ہے ۔
ذرائع کا مزید کہنا تھا کہ شعبہ توانائی کا گردشی قرضہ 2310 ارب روپے کی سطح تک پہنچ چکا ہے، آئی پی پیز کو ادائیگیوں کیلئے تقریبا 140 ارب روپے رواں ہفتے جاری کیے جائیں گے۔
