بھارتی ریاست گجرات میں پُراسرار بخار نے 16 لوگوں کی جان لے لی
![](https://img.dunyanews.tv/news/2024/September/09-12-24/news_big_images/837107_78048513.jpg)
احمد آباد : (ویب ڈیسک) بھارتی ریاست گجرات میں پُراسرار بخار سے 16 افراد ہلاک ہوگئے۔
بھارتی حکام کے مطابق ہلاک ہونے والوں میں 5 سال سے 50 سال تک کے افراد شامل ہیں۔
بھارتی حکام کے مطابق بارشوں کے بعد دیگر بیماریوں کے ساتھ پُراسرار بخار 7 گاؤں میں پھیل چکا ہے، بخار کی وجوہات اور اس کے پھیلاؤ سے متعلق تحقیقات کی جارہی ہیں۔
دوسری جانب بھارتی میڈیا کا کہنا ہے کہ کیسز ضلع کچھ کے لکھ پت تعلقہ میں ستمبر کے پہلے ہفتے میں رپورٹ ہوئے۔