جیسن گلیسپی کی وائٹ بال فارمیٹ میں کوچنگ کیلئے عدم دلچسپی
لاہور: (ویب ڈیسک) پاکستان ریڈ بال ٹیم کے ہیڈ کوچ جیسن گلیسپی نے پاکستان کرکٹ ٹیم کی وائٹ بال فارمیٹ میں کوچنگ سنبھالنے میں عدم دلچسپی ظاہر کردی۔
جیسن گلیسپی نے آسٹریلوی میڈیا سے گفتگو کے دوران کوچنگ کے معاملے پر بات کرتے ہوئے کہا کہ وائٹ بال فارمیٹ میں صرف عبوری کوچنگ کی ذمہ داری سنبھالی ہے، ابھی اس وقت وائٹ بال فارمیٹ میں مستقل کوچنگ کرنے کا خواہشمند نہیں ہوں۔
انہوں نے کہا کہ میں نے کوچنگ کے لیے اپنا نام نہیں دیا، پاکستان کرکٹ میں صرف ریڈ بال کی کوچنگ کرنے کا مقصد ہی یہ تھا کہ میں اپنی فیملی کے ساتھ وقت گزار سکوں۔
سابق آسٹریلوی فاسٹ باؤلر نے کہا کہ مجھے کوچنگ سے محبت ہے مگر میں یہ سمجھتا ہوں کہ 11 مہینوں تک گھر سے باہر نہیں رہ سکتا، میں نہیں سمجھتا کہ ذہنی طور پر بھی میں یہ سب ہینڈل کرسکوں گا۔
