پاک انگلینڈ سیریز: آئی سی سی نے پچز کو اطمینان بخش قرار دے دیا
دبئی: (ویب ڈیسک) انٹرنیشنل کرکٹ کونسل (آئی سی سی) نے پاکستان اور انگلینڈ ٹیسٹ سیریز کی پچز کو اطمینان بخش قرار دے دیا۔
کرکٹ ویب سائٹ کے مطابق آئی سی سی کی جانب سے تینوں ٹیسٹ میچز کے لیے استعمال ہونے والی پچز کو اطمینان بخش قرار دیا گیا ہے۔
علم میں رہے کہ پاکستان اور انگلینڈ کے مابین پہلا اور دوسرا ٹیسٹ ملتان جبکہ تیسرا میچ راولپنڈی میں کھیلا گیا تھا۔
پہلے ٹیسٹ میں پاکستان ٹیم کو ناکامی کا منہ دیکھنا پڑا تھا جس کے بعد قومی ٹیم نے شاندار واپسی کرتے ہوئے بقیہ دونوں میچز جیت کر سیریز 1-2 سے اپنے نام کر لی تھی۔
