جنوبی سوڈان میں اقوام متحدہ کے اڈے پر شرپسندوں کا حملہ، 6 بنگالی فوجی ہلاک
ایبی :(دنیا نیوز) سوڈان اور جنوبی سوڈان کے متنازعہ علاقے ابیی میں اقوام متحدہ کے ایک اڈے پر مسلح عسکریت پسندوں کے حملے کے نتیجے میں کم از کم 6 بنگلا دیشی امن فوجی جاں بحق اور 8 دیگر زخمی ہوگئے ہیں۔
بنگلہ دیشی فوج کے شعبہ تعلقات عامہ (آئی ایس پی آر) نے ہلاکتوں کی تصدیق کرتے ہوئے کہا ہے کہ حملہ غیر شناخت شدہ مسلح گروہوں نے کیا، جنہیں دہشتگرد قرار دیا گیا ہے۔
ترجمان بنگلا دیشی فوج کا مزید کہنا تھا کہ فورسز کا دستہ اقوام متحدہ کے عارضی امن فوجی مشن برائے ایبی (یو این آئی ایس ایف اے) کے تحت تعینات تھا جس کا مقصد اس غیر مستحکم علاقے میں امن و استحکام قائم رکھنا ہے۔
