ڈکی بھائی سے مبینہ رشوت کیس میں نامزد 3 ملزمان کی ضمانت پر حتمی دلائل طلب
لاہور: (دنیا نیوز) لاہور کی ایف آئی اے سپیشل سینٹرل عدالت نے معروف یوٹیوبر سعد الرحمٰن عرف ڈکی بھائی سے مبینہ رشوت کے مقدمے میں نامزد تین ملزمان کی ضمانت بعد از گرفتاری کی درخواستوں پر حتمی دلائل طلب کر لیے۔
سپیشل سینٹرل عدالت کے جج نوید احمد نے کیس کی سماعت کے دوران ملزمان سلمان عزیز، اسسٹنٹ ڈائریکٹر مجتبیٰ اور انسپکٹر علی رضا کی ضمانت کی درخواستوں پر وکلاء کو حتمی دلائل پیش کرنے کی ہدایت کی، عدالت نے سماعت 19 دسمبر تک ملتوی کر دی۔
درخواستوں میں مؤقف اختیار کیا گیا کہ ایف آئی اے نے حقائق کے برعکس مقدمہ درج کیا، جسمانی ریمانڈ کے دوران تفتیش مکمل ہو چکی ہے اور اس وقت ملزمان جوڈیشل ریمانڈ پر جیل میں ہیں، اس لیے ضمانت ان کا قانونی حق ہے۔
واضح رہے کہ ملزمان کے خلاف ایف آئی اے کی جانب سے رشوت کے الزامات کے تحت مقدمہ درج ہے، جس کی مدعیہ ڈکی بھائی کی اہلیہ عروب جتوئی ہیں، مقدمے میں این سی سی آئی اے کے افسران پر رشوت لینے کے الزامات عائد کیے گئے ہیں۔
