اے این ایف کی ملک بھر میں 6 کارروائیاں، 94.98 کلوگرام منشیات برآمد
کراچی: (دنیا نیوز) اینٹی نارکوٹکس فورس (اے این ایف) نے ملک کے مختلف شہروں میں کی گئی 6 کارروائیوں کے دوران بھاری مقدار میں منشیات برآمد کرتے ہوئے 10 ملزمان کو گرفتار کر لیا۔
ترجمان اے این ایف کے مطابق یہ کارروائیاں پشاور، اسلام آباد، پشین، کراچی اور اٹک میں کی گئیں، کارروائیوں کے دوران مجموعی طور پر 94 کلو 850 گرام چرس برآمد کی گئی جبکہ 130 گرام وزنی 200 ایکسٹیسی گولیاں بھی قبضے میں لی گئیں۔
اے این ایف کے ترجمان کا کہنا ہے کہ گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے جس سے منشیات کے بڑھتے ہوئے نیٹ ورک کی سنگینی ظاہر ہوتی ہے۔
ترجمان کے مطابق تمام کارروائیوں کے بعد ملزمان کے خلاف انسدادِ منشیات ایکٹ 1997 کے تحت مقدمات درج کر لیے گئے ہیں اور مزید تفتیش جاری ہے۔
