پتوکی میں گلے پر ڈور پھرنے سے 5 سال کی بچی زخمی ہوگئی
قصور: (دنیا نیوز) ضلع قصور کے علاقے پتوکی میں گلے پر ڈور پھرنے سے بچی زخمی ہوگئی۔
پولیس کے مطابق مان والا قصور میں گلے پر دھاتی ڈور پھرنے سے 5 سال کی بچی زخمی ہوئی، بچی ماموں کے ہمراہ موٹر سائیکل پر جا رہی تھی کہ گلے پر دھاتی ڈور پھر گئی۔
پولیس کا کہنا ہے کہ واقعہ کی اطلاع پر کارروائی کرتے ہوئے پتنگ فروش کو گرفتار کر لیا ہے، ملزم سے ڈور اور پتنگیں برآمد کرلی گئی ہیں اور اس کے خلاف مقدمہ درج کرلیا گیا ہے۔
دوسری طرف پنجاب حکومت بسنت منانے کی تیاریوں میں لگی ہوئی ہے، فروری کی چھ سات اور آٹھ تاریخ کو بسنت منائی جائے گی۔
حکومت نے بسنت کے ایام میں تین روز کے لیے رکشے اور بسیں فری چلانے کا اعلان بھی کیا ہے مگر دھاتی ڈور کے استعمال سے انسانی جانوں کے نقصان کا تدارک نہیں ہو سکا۔
