حکومت پنجاب ایشین ڈویلپمنٹ بینک سے کتنا قرض لے گی؟ تفصیلات سامنے آگئیں
لاہور: (دنیا نیوز) حکومت پنجاب کی جانب سے رواں سال ایشین ڈویلپمنٹ بینک سے قرض کے حصول بارے تفصیلات منظر عام پر آگئیں۔
پنجاب حکومت ایشین ڈویلپمنٹ بینک سے رواں سال 415 ملین ڈالر کا قرض لے گی، فنڈنگ نرم شرائط اور شرح سود پر کی جائے گی۔
ایشین ڈویلپمنٹ بینک پنجاب حکومت کو 5 ملین ڈالر کی گرانٹ بھی دے گا، موجودہ شرح مبادلہ کے مطابق رقم 116 ارب روپے سے زائد ہو گی۔
ہِل ٹورنٹس مینجمنٹ کے لیے 200 ملین ڈالر کا قرض لیا جائے گا، سیلابی خطرات کم کرنے کا ہدف بھی اس پروگرام میں شامل ہوگا۔
زرعی زمینوں کے تحفظ اور پانی کے بہاؤ کو منظم بنانے کے لیے بھی قرض لیا جائے گا، منصوبے کے لیے 215 ملین ڈالر، میونسپل سروسز کی بہتری پر فوکس کیا جائے گا۔
شہری ماحول کو موسمیاتی تبدیلیوں کے اثرات سے محفوظ بنانے کا پلان بھی شامل ہے، سیلابی نظم و نسق، ماحولیات اور شہری سہولیات کی مد میں قرض استعمال ہوگا۔
منصوبہ 2026 کے پائپ لائن کا حصہ، عملی اقدامات جلد شروع کیے جائیں گے۔
