سکارف قراقرم ونٹرلیوڈ سیزن 8 میں ایس سی او ٹیم فاتح قرار
گلگت بلتستان: (دنیا نیوز) سکارف قراقرم ونٹرلیوڈ سیزن 8 میں ایس سی او ٹیم فاتح قرار پائی ہے۔
گلگت بلتستان میں نوجوان کھلاڑیوں کی حوصلہ افزائی اور کھیلوں کے فروغ کیلئے سپیشل کمیونیکیشن آرگنائزیشن (ایس سی او) نے شاندار قدم اٹھایا، ایس سی او کی معاونت سے ہونے والا قراقرم ونٹر لیوڈ سیزن 8 آئس ہاکی فیسٹیول کامیابی سے اختتام پذیر ہوگیا۔
مختلف علاقوں کے کھلاڑیوں نے ونٹر سپورٹس ایونٹ میں شاندار کھیل پیش کر کے اپنی مہارت کا لوہا منوایا۔
فائنل میچ میں ایس سی او ٹیم نے زبردست کارکردگی سے ٹائٹل اپنے نام کرلیا، اختتامی تقریب التت ہنزہ (جی بی) میں منعقد ہوئی، ونٹرلیوڈ سیزن میں ثقافت اور کھیلوں کا حسین ملاپ شائقین کے لیے قابل دید رہا۔
سکارف کی کاوش گلگت بلتستان کی ونٹر سپورٹس اور ایڈونچر ٹورزم کو عالمی سطح پر فروغ دینے میں نمایاں کردار ادا کر رہی ہے۔
