ایبٹ آباد: ڈاکٹر کی مبینہ غفلت سے 3 بہنوں کا اکلوتا بھائی جاں بحق
ایبٹ آباد: (دنیا نیوز) ڈاکٹر کی مبینہ غفلت سے 13 سال کا لڑکا جاں بحق ہوگیا۔
حسنین علی کو اپینڈکس کی تکلیف کے باعث ہسپتال لایا گیا، جہاں اس کا آپریشن کیا گیا مگر چار دن سے ہوش میں نہ آسکا اور دار فانی سے رخصت کر گیا، لڑکے کے جاں بحق ہونے کی اطلاع پر ورثاء آپے سے باہر گئے اور ڈی ایچ کیو ہسپتال میں لاش رکھ کر احتجاج کیا، شدید احتجاج کے باعث ڈاکٹر موقع سے فرار ہونے میں کامیاب ہوگیا۔
مظاہرین نے ڈاکٹر فوری گرفتار کرنے کا مطالبہ کیا، لواحقین نے بتایاکہ 13 سالہ حسنین علی تین بہنوں کا اکلوتا بھائی تھا، پولیس نے ڈاکٹر کیخلاف ایف آر درج کر لی۔
