پنجاب کے میدانی علاقوں میں دھند کا قبضہ برقرار، موٹرویز ٹریفک کیلئے بند
لاہور:(دنیا نیوز) پنجاب کے میدانی علاقوں میں دھند کا قبضہ برقرار رہنے سے موٹرویز آج بی ٹریفک کے لیے بند کردی گئیں۔
موٹروے حکام کے مطابق دھند کے باعث موٹروے ایم 2 لاہور سے کوٹ مومن، ایم 3 فیض پور سے سمندری تک بند کر دی گئی، جبکہ موٹروے ایم 4 پر شام کوٹ سے عبد الحکیم تک گاڑیوں کا داخلہ ممنوع ہے۔
مین شاہراہوں پر لاہور، مانگا منڈی، پھول نگر اور پتوکی میں شدید دھند کے باعث ٹریفک کی روانی میں مشکلات کا سامنا ہے، ترجمان موٹروے پولیس نے ڈرائیورز کو فوگ لائٹس استعمال کرنے کی ہدایت کی ہے۔
حکام کا بتانا ہے کہ لاہور سیالکوٹ موٹروے ایم 11 بھی دھند کی وجہ سے بند کر دی گئی، موٹروے پولیس نے ڈرائیورز کو دن کے اوقات میں سفر کرنے کی ہدایات دی ہیں۔
