پاکستان، سعودیہ اور ترکیہ کا مکہ باہمی دفاعی معاہدے کے بعد خصوصی نغمہ جاری
اسلام آباد: (دنیا نیوز) مکہ باہمی دفاعی معاہدے پر پاکستان کی جانب سے خصوصی نغمہ ’ہم سب ایک ہیں‘ جاری کر دیا گیا ہے۔
تاریخی دفاعی معاہدے کی خوشی میں جاری کیے گئے اس نغمے میں تینوں ممالک کے برادرانہ تعلق کو اجاگر کیا گیا ہے۔ نغمے میں حرمین شریفین کی حفاظت اور خدمت کو ایک مشترکہ مقدس ذمہ داری کے طور پر پیش کیا گیا۔
پاکستانی سرزمین پر موجود سپاہیوں کو عشق حرم اور مقدس مقامات سے وابستگی کی روشن علامت کے طور بیان کیا گیا ہے۔
نغمے میں حضور اکرمﷺ سے محبت کو مسلمانوں کے ایمان اورشناخت کا بنیادی حصہ قرار دیا گیا ہے۔
حرمین شریفین کی محبت مسلمانوں کو ایک مشترکہ ایمان، قبلے، قرآن اور روحانی رشتے میں متحد کرتی ہے۔ آج پاکستان نے سعودی عرب اور ترکیہ کو مضبوط دفاعی تعاون کے ایک تاریخی رشتے میں جوڑ دیا ہے۔
Comments / رائے دیں
Share your thoughts. Comments are reviewed before they appear publicly.
Approved Comments