فرانس میں احتجاج کرنے والی تنظیموں نے 5 نومبر کو ملک گیر ہڑتال کا اعلان کر دیا
پیرس: (دنیا نیوز) فرانس میں مہنگائی، ایندھن کی بڑھتی قیمتوں اور ناقص سرکاری خدمات کے خلاف احتجاج کرنے والی تنظیموں اور مزدور یونینز نے آئندہ ہفتے مزید مظاہروں اور 5 نومبر کو ملک گیر ہڑتال کا اعلان کیا ہے۔
مزدور یونینز کا کہنا ہے کہ تنخواہوں، مہنگائی اور عوامی خدمات سے متعلق عوامی بے چینی طلبہ تحریک سے آگے بڑھ کر مختلف طبقوں تک پھیل چکی ہے۔
حکومت نے بحران پر قابو پانے کیلئے مزدور یونینز اور طلبہ نمائندوں سے مذاکرات شروع کر دیے ہیں تاہم احتجاجی رہنماؤں نے حکومتی اقدامات کو ناکافی قرار دیا ہے۔
صدر میکرون کی حکومت کو محدود مالی وسائل اور پارلیمان میں اکثریت نہ ہونے کے باعث مظاہرین کے مطالبات پورے کرنے میں مشکلات کا سامنا ہے، جبکہ پولیس یونینز نے بھی خبردار کیا ہے کہ اہلکاروں کی موجودہ بڑی تعداد میں تعیناتی طویل عرصے تک برقرار رکھنا ممکن نہیں۔
ادھر فرانس میں جاری احتجاج کے اثرات دیگر یورپی ممالک تک بھی پہنچ رہے ہیں، بیلجیئم کے دارالحکومت برسلز میں مظاہرین اور پولیس کے درمیان جھڑپیں ہوئیں، جبکہ اٹلی کے کئی شہروں میں بھی مسلسل دوسرے ہفتے احتجاج اور تصادم کے واقعات رپورٹ ہوئے ہیں۔
Comments / رائے دیں
Share your thoughts. Comments are reviewed before they appear publicly.
Approved Comments