چینی بیڈ منٹن کھلاڑی کھیل کے دوران ہارٹ اٹیک سے ہلاک
یوگیکارتا :(ویب ڈیسک)17 سالہ چینی بیڈمنٹن کھلاڑی کی کھیل کے دوران دل کا دورہ پڑنے سے موت واقع ہوگئی۔
برطانوی خبر رساں ادارے کی رپورٹ کے مطابق انڈونیشیا کے صوبے یوگیکارتا میں ایشیائی بیڈمنٹن ٹورنامنٹ کے دوران چینی کھلاڑی ژانگ ژی اچانک گر کر ہلاک ہوگیا۔
انڈونیشین بیڈمنٹن فیڈریشن کے مطابق ژانگ ژی کا مقابلہ گزشتہ اتوار کو جاپان کے کازوما کاوانو سے تھا۔
سوشل میڈیا پر کھلاڑی کے آخری لمحات کی ویڈیو سامنے آئی ہے جسے گرنے کے بعد ہسپتال لے جایا گیا جہاں اس کی موت کی تصدیق کی گئی،کھلاڑیوں اور دیگر شخصیات کی جانب سے نوجوان کھلاڑی کی اچانک موت پردکھ اور افسوس کا اظہار کیا جارہا ہے۔
غیرملکی میڈیا رپورٹ میں بتایا گیا کہ ژانگ ژی اپنے مختصر سے کیریئر کے دوران کئی چیمپئن شپ جیت چکے تھے۔
