پاکستانی کیوئسٹ اویس منیر نے ایشین 6 ریڈ سنوکر چیمپئن شپ جیت لی
ریاض: (ویب ڈیسک) پاکستان کے اویس منیر نے ایشین 6 ریڈ سنوکر چیمپئن شپ جیت لی ہے۔
سعودی عرب کے دار الحکومت ریاض میں جاری ایونٹ کے فائنل میں اویس منیر نے ہانگ کانگ کے کیوئسٹ نینسن وان کو شکست دی۔
ہانگ کانگ کے نینسن وان کے خلاف اویس منیر نے 6-3 سے کامیابی حاصل کی، مقابلہ 2-2 سے برابر ہونے کے بعد اویس منیر نے مسلسل 3 فریمز باآسانی جیتے، آٹھویں فریم میں ہانگ کانگ کے کیوئسٹ نے کم بیک کیا اور اویس پوٹنگ نہ کرسکے۔
نویں فریم میں اویس نے بہترین کنٹرول اور پوٹنگ کا مظاہرہ کرکے فتح سمیٹی، اویس منیر نے 0-65، 35-26، 27-36، 38-20، 0-65، 13-46، 8-60، 34-0، 27-40 کے اسکور سے میچ جیتا۔
اس سے قبل پاکستانی کیوئسٹ حسنین اختر نے سعودی عرب میں جاری ایشین انڈر 21 اسنوکر چیمپئن شپ کے فائنل میں ہم وطن کیوئسٹ اور دفاعی چیمپئن احسن رمضان کو شکست دے کر فتح حاصل کی۔
