شان مسعود کی انگلینڈ کے خلاف پہلے ٹیسٹ میں واپسی کے امکانات روشن
لندن: (ویب ڈیسک) پاکستان کرکٹ ٹیم کے بیٹر شان مسعود نے انجری کے بعد دوبارہ ٹریننگ شروع کردی ہے جس کے بعد انگلینڈ کے خلاف پہلے ٹیسٹ میں ان کی واپسی کے امکانات روشن ہوگئے ہیں۔
شان مسعود ویسٹ انڈیز کے خلاف پہلے ٹیسٹ کے دوران انگلی کی انجری کا شکار ہوئے تھے، جس کے باعث وہ دوسرے ٹیسٹ میں ٹیم کا حصہ نہیں بن سکے تھے۔
پاکستان کرکٹ ٹیم نے منگل کو بیکن ہیم میں کینٹ کاؤنٹی کرکٹ کلب میں پریکٹس سیشن کیا، جہاں شان مسعود نے بھی ٹیم کے دیگر کھلاڑیوں کے ساتھ ٹریننگ میں حصہ لیا۔
میڈیکل ٹیم کی زیر نگرانی شان مسعود نے بیٹنگ کی پریکٹس کی جبکہ دیگر کھلاڑیوں نے بھی بیٹنگ اور بولنگ سیشن میں حصہ لیا۔
— Pakistan Cricket (@TheRealPCB) August 11, 2026
پاکستان اور انگلینڈ کے درمیان آئی سی سی ورلڈ ٹیسٹ چیمپئن شپ کا پہلا ٹیسٹ 19 اگست سے لیڈز میں کھیلا جائے گا۔
پہلے ٹیسٹ سے قبل پاکستانی ٹیم بیکن ہیم میں پروفیشنل کاؤنٹی کلب سلیکٹ الیون کے خلاف تین روزہ پریکٹس میچ بھی کھیلے گی، یہ میچ پہلے چار روزہ شیڈول تھا اور 12 اگست سے شروع ہونا تھا، تاہم اب اسے تین روزہ کردیا گیا ہے جو 13 اگست سے شروع ہوگا۔
Comments / رائے دیں
Share your thoughts. Comments are reviewed before they appear publicly.
Approved Comments