وزیراعظم کی مصروفیات کے باعث وفاقی کابینہ کا اجلاس پھر ملتوی
اسلام آباد: (دنیا نیوز) وفاقی کابینہ کا آج طلب کیا گیا اجلاس ایک بار پھر ملتوی کر دیا گیا۔
وزیراعظم شہباز شریف کی مصروفیات کے باعث کابینہ اجلاس ملتوی کیا گیا، وزیراعظم شہباز شریف آج ملائیشین ہم منصب انوار ابراہیم کا استقبال کریں گے، معروف مذہبی سکالر ڈاکٹر ذاکر نائیک کی بھی وزیراعظم سے ملاقات ہوگی۔
واضح رہے کہ وفاقی کابینہ اجلاس میں ملکی معاشی، سیاسی صورتحال سمیت مجموعی سکیورٹی کی صورتحال پر غور کیا جانا تھا۔
اجلاس میں وفاقی کابینہ نے ایران اور اسرائیل کشیدگی کا بھی جائزہ لینا تھا۔
