نورین نیازی کا عمران کیخلاف مقدمات کی تفصیلات کے حصول کیلئے عدالت سے رجوع
اسلام آباد:(دنیانیوز) اسلام آباد ہائیکورٹ میں بانی پی ٹی آئی کی بہن نورین نیازی نے عمران خان کے خلاف درج مقدمات کی تفصیلات کے حصول کے لیے درخواست دائر کر دی۔
نورین نیازی کی عمران خان کے خلاف درج مقدمات کی تفصیلات فراہمی کی درخواست کل سماعت کے لیے مقرر کردی گئی، جسٹس ارباب محمد طاہر کل درخواست پر سماعت کریں گے۔
درخواست گزار نورین نیازی نے موقف اپنایا ہے کہ بانی پی ٹی آئی کے خلاف درج مقدمات کی مکمل تفصیلات اور ایف آئی آرز کی نقول فراہم کی جائیں ۔
نورین نیازی نے استدعا کی کہ درخواست پر حتمی فیصلے تک معلوم اور نامعلوم مقدمات میں عمران خان کی گرفتاری سے روکا جائے۔
یاد رہے عمران خان کی بہن کی جانب سے دائر درخواست میں وزارت داخلہ، آئی جی اسلام آباد، ایف آئی اے اور دیگر کو فریق بنایا گیا ہے۔
