منچن آباد: ٹریکٹر ٹرالی کی ٹکر سے موٹرسائیکل سوار 2 بہنیں جاں بحق
منچن آباد: (دنیا نیوز) تیز رفتار ٹریکٹر ٹرالی کی ٹکر سے موٹرسائیکل سوار 2 بہنیں جاں بحق ہوگئیں۔
افسوسناک واقعہ منچن آباد میں ریلوے اسٹیشن کے قریب پیش آیا جہاں مٹی سے بھری ٹریکٹر ٹرالی نے موٹر سائیکل کو بری طرح کچل ڈالا، حادثے میں موٹرسائیکل پر سوار دو بہنیں موقع پر دم توڑ گئیں جبکہ ایک نوجوان شدید زخمی ہوگیا۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق خواتین کی لاشیں اور زخمی نوجوان کو ہسپتال منتقل کردیا گیا۔
ٹریکٹر ٹرالی ڈرائیور موقع سے فرار ہونے میں کامیاب ہوگیا جبکہ پولیس نے کارروائی کا آغاز کردیا۔
