فٹبال کھیلتے جنگلی ہاتھی کی ویڈیو سوشل میڈیا پر وائرل
نئی دہلی: (ویب ڈیسک)بھارتی ریاست آسام کے ضلع گولہ گھاٹ کے علاقے نومالی گڑھ میں فٹبال کھیلتے جنگلی ہاتھی کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ ہرا بھرا میدان میں موجود جنگلی ہاتھی کبھی اپنے پاؤں سے فٹبال کو مارتا ہے اور کبھی اپنی سونڈ کی مدد سے گیند کو اٹھا کر پھینکتا ہے۔
ہاتھی کے فٹبال کھیلنے کا منظر دیکھنے کے لیے مقامی افراد بھی وہاں موجود تھے، تاہم جنگلی ہاتھی کے قریب آنے پر لوگ خوفزدہ ہوکر دور بھاگتے نظر آئے۔
— Vikas Malviya (@Real_Malviya) September 15, 2026
ویڈیو سوشل میڈیا پر صارفین کی توجہ کا مرکز بنی ہوئی ہے اور لوگ ہاتھی کے منفرد انداز پر دلچسپ تبصرے کر رہے ہیں۔
واضح رہے کہ اس سے قبل بھی بھارت میں ایک جنگلی ہاتھی کی ویڈیو وائرل ہوئی تھی، جس کی گردن میں ٹرک کا ٹائر پھنس گیا تھا۔ ریسکیو آپریشن کے بعد ہاتھی کو ٹائر سے نجات دلا کر آزاد کردیا گیا تھا۔
Comments / رائے دیں
Share your thoughts. Comments are reviewed before they appear publicly.
Approved Comments