بنگلا دیشی طالبعلم رہنما عثمان ہادی کی میت ڈھاکہ منتقل، نماز جنازہ آج ادا کی جائیگی
ڈھاکہ: (دنیا نیوز) بنگلا دیشی طالبعلم رہنما کی میت سنگاپور سے ڈھاکہ منتقل کر دی گئی، عثمان ہادی کی نماز جنازہ آج ادا کی جائے گی۔
سربراہ عبوری حکومت نے آج ملک میں سوگ کا اعلان کر دیا، سربراہ عبوری حکومت نے عوام سے پرامن رہنے کی اپیل کردی، طالب علم رہنما کے قتل پر امریکا نے اظہار افسوس کیا، یواین ادارہ برائے انسانی حقوق نے قتل کی تحقیقات کا مطالبہ کر دیا۔
عثمان ہادی کے قتل پر بنگلادیش میں احتجاج بھی جاری رہا، مظاہرین نے شیخ مجیب الرحمان کا گھرنذر آتش کر دیا، مشتعل مظاہرین نے اخبارات کے دفاتر اور دیگرعمارتیں جلا دیں، شاہ باغ اورہادی سکوائرمیں مودی کے خلاف نعرے بازی کی۔
مظاہرین نے مودی کو ’’گجرات کا قصائی‘‘ قرار دے دیا، مظاہرین کا کہنا ہے کہ عثمان ہادی کے قتل میں ’’را‘‘ ملوث ہے، بنگلادیشی حکام نے بھارت سے ملزمان کی حوالگی کا مطالبہ کر دیا، عثمان ہادی حسینہ واجد کاتختہ الٹنے والی تحریک کے رہنما تھے۔
