فرانس کا گرین لینڈ میں قونصل خانہ کھولنے کا اعلان
پیرس: (ویب ڈیسک) فرانس نے 6 فروری کو گرین لینڈ میں اپنا قونصل خانہ کھولنے کا اعلان کر دیا۔
عالمی میڈیا کی رپورٹ کے مطابق یہ بات فرانسیسی وزیر خارجہ جین نوئیل بارو نے آر ٹی ایل ریڈیو سے گفتگو کرتے ہوئے کہی، انہوں نے کہا کہ امریکا کو گرین لینڈ کو بلیک میل کرنے سے اور خودمختار ڈینش علاقے پر قبضے کی خواہش سے روکنا چاہئے۔
فرانس کے وزیر خارجہ جین نوئیل نے کہا کہ نیٹو کے کسی دوسرے رکن ملک پر حملہ کرنا کسی بھی طرح درست نہیں ہوگا، یہ امریکا کے اپنے مفادات کے بھی خلاف ہے اس لئے اس قسم کی بلیک میلنگ کو ختم ہونا چاہئے۔
