×

دنیا

پیپر لیک اور امتحانات منسوخی: راہول گاندھی کا مودی سرکار سے معافی مانگنے کا مطالبہ

بند کریں

نئی دہلی: (ویب ڈیسک) راہول گاندھی نے پیپر لیک اور امتحانات منسوخی پر مودی سرکار سے معافی مانگنے کا مطالبہ کر دیا۔

کانگریس کے سابق صدر اور پارلیمنٹ کے ایوان زیریں لوک سبھا میں قائد حزب اختلاف راہول گاندھی نے کہا ہے کہ طلبہ کو نریندر مودی کی طرف سے معافی کی ضرورت نہیں ہے بلکہ مودی سرکارکو طلبہ سے معافی مانگی چاہئے کیونکہ پیپر لیک اور امتحانات منسوخ ہونے سے انکا مستقبل برباد ہوا ہے۔

رپورٹ میں بتایا گیا ہے کہ راہول گاندھی نے ’’ایکس‘‘پر لکھا کہ والدین کے لئے اپنے بچے کو کھونے کا دکھ سب سے بڑا ہوتا ہے، ہر نوجوان کی موت کے پیچھے ایک ایسا خاندان ہے جسکا دکھ کبھی ختم نہیں ہوگا، انہوں نے کہاکہ جب نظام تعلیم ہی ٹھیک نہیں ہے تو طلباء احتجاج نہیں تو اور کیا کریں گے۔

راہول گاندھی نے کہا کہ نریندر مودی طلباء کو معاف کرنے کی بات کر رہے ہیں جبکہ انہوں نے نہ تو کسی سوگوار خاندان سے ملاقات کی اور نہ ہی کسی ایسے طالب علم سے ملے جسکا مستقبل پیپر لیک کے سبب متاثر ہوا ہے۔