یانڈیکس ڈیٹا سینٹرز پر غیر معمولی ڈرون حملے، روس نے حفاظتی اقدامات پر غور شروع کردیا
ماسکو: (شاہد گھمن) روس کی وزارتِ ڈیجیٹل ترقی اور وزارتِ دفاع نے ڈرون حملوں کے بعد یانڈیکس کے ڈیٹا سینٹرز کا تحفظ مزید مضبوط بنانے کے لیے مشترکہ اقدامات پر غور شروع کردیا ہے۔
روسی وزیرِ ڈیجیٹل ترقی مقصوت شادایف نے سٹیٹ ڈوما سے خطاب کرتے ہوئے کہا کہ یانڈیکس کو غیر معمولی نوعیت کے حملوں کا سامنا کرنا پڑا ہے، وزارتِ ڈیجیٹل ترقی اور وزارتِ دفاع اس بات کا جائزہ لے رہی ہیں کہ ڈیٹا سینٹرز اور متعلقہ ڈیجیٹل تنصیبات کو مؤثر انداز میں کیسے محفوظ بنایا جائے۔
مقصوت شادایف نے کہا کہ حملوں کے بڑے پیمانے کے باوجود یانڈیکس کی خدمات کا کام جاری رہنا ظاہر کرتا ہے کہ کمپنی نے متبادل نظام اور ڈیٹا بیک اَپ پر ضروری توجہ دے رکھی ہے۔
روسی حکام نے مجوزہ حفاظتی اقدامات، ان پر عمل درآمد کے طریقہ کار اور ممکنہ نظام الاوقات سے متعلق مزید تفصیلات جاری نہیں کیں۔
Comments / رائے دیں
Share your thoughts. Comments are reviewed before they appear publicly.
Approved Comments