یوکرین کے روسی آئل ریفائنریز پر حملے، توانائی جنگ بندی کے آثار نظر نہیں آ رہے: الیگزینڈر نوواک
ماسکو: (شاہد گھمن) روس کے نائب وزیراعظم الیگزینڈر نوواک نے کہا ہے کہ یوکرینی ڈرونز نے روس کے ساراتوف اور ریازان علاقوں میں واقع دو آئل ریفائنریز کو نشانہ بنایا ہے۔
رشین انرجی ویک فورم کے موقع پر صحافیوں سے گفتگو کرتے ہوئے الیگزینڈر نوواک نے بتایا کہ روسی وزارت توانائی اور متعلقہ کمپنیوں کی ابتدائی معلومات کے مطابق دونوں ریفائنریز پر حملے بدھ کو کیے گئے۔
روسی نائب وزیراعظم نے کہا کہ ان حملوں سے ظاہر ہوتا ہے کہ یوکرینی فریق توانائی تنصیبات پر حملے روکنے یا مجوزہ توانائی جنگ بندی کی جانب بڑھنے کے کوئی آثار نہیں دکھا رہا۔
انہوں نے حملوں سے ریفائنریز کو پہنچنے والے نقصان، ممکنہ جانی نقصان یا تیل کی پیداوار پر پڑنے والے اثرات کی مزید تفصیلات فراہم نہیں کیں۔
Comments / رائے دیں
Share your thoughts. Comments are reviewed before they appear publicly.
Approved Comments