کل 71واں یوم وفات
بانی پاکستان قائد اعظم محمد علی جناح ؒ کا 71واں یوم وفات کل (11ستمبربروزبدھ)منایا جائے گا
لاہور(دنیا مانیٹرنگ )بانی پاکستان قائد اعظم محمد علی جناح ؒ کا 71واں یوم وفات کل (11ستمبربروزبدھ)منایا جائے گا۔ان کی روح کے ایصال ثواب کیلئے قرآن خوانی ہو گی جبکہ مزار پر سیاسی شخصیات،مسلح افواج کے نمائندے اور شہری حاضری دیں گے اور پھولوں کی چادریں چڑھائی جائیں گی۔ بابائے قوم کے یوم وفات کے سلسلے میں ملک بھر میں سیمینارز،مذاکرے ،جلسوں اور مختلف تنظیموں کی جانب سے تقریبات کا اہتمام کیا جائے گا، جن میں سیاسی و سماجی شخصیات ان کی خدمات کو خراج عقیدت پیش کرینگے ۔ اخبارات سپیشل ایڈیشن شائع کریں گے جبکہ پی ٹی وی ،نجی ٹی وی چینلز خصوصی پروگرام نشر کرینگے ۔بانی پاکستان قائد اعظم محمد علی جنا ح ؒ25دسمبر 1876 کو کراچی میں پیدا ہوئے ، آپ ایک عظیم لیڈر تھے جن کی بے باک قیادت میں مسلمانوں نے ایک علیحدہ وطن حاصل کیا ۔آپ11ستمبر 1948 کو وفات پا گئے تھے ۔
