بجلی 48پیسے فی یونٹ مہنگی ہونے کا امکان ، نیپرا آج سماعت کریگی
اسلام آباد(نامہ نگار) نیپرا میں سی پی پی اے نے ماہانہ فیول پرائس ایڈجسٹمنٹ کی مد میں درخواست دائر کردی۔
اتھارٹی درخواست پرسماعت آج کرے گی ۔بجلی 48 پیسے فی یونٹ مہنگی ہونے کا امکان ہے ۔ درخواست میں کہا گیا کہ دسمبر میں 8 ارب 48 کروڑ 70 لاکھ یونٹس بجلی پیدا کی گئی، ڈسکوز کو 8 ارب 20 کروڑ 80 لاکھ یونٹس بجلی فراہم کی گئی جبکہ ماہ دسمبر میں بجلی کی فی یونٹ لاگت 9.62 روپے رہی ، ایک ماہ میں ہائیڈل سے 18.07 فیصد بجلی کی پیداوار رہی اور دسمبر میں مقامی کوئلے سے بجلی کی پیداوار 13.99 فیصد رہی۔
روزنامہ دنیا ایپ انسٹال کریں
