لیپ ٹاپ کی خریداری کیسے کریں؟
اسپیشل فیچر
آج کمپیوٹر ہر ادارے اور گھر کی ضرورت بن گیا ہے، انٹرنیٹ کے عام ہوجانے سے ڈیسک ٹاپ کی جگہ لیپ ٹاپ کمپیوٹرز میں اضافہ ہوا ہے ۔ہر اہم علاقے اور مارکیٹ میں کمپیوٹر کی دکانیں موجود ہیں جہاں نئے اور پرانے کمپیوٹر وافر تعداد میں دستیاب ہیں۔ مگر مشاہدے میں یہ بات آئی ہے کہ معلومات کی عدم دستیابی سے مہنگے داموں ایسا سسٹم خرید لیا جاتا ہے جو کہ ضروریات کو پورا نہیں کرتابلکہ بعض اوقات تو نقصان اٹھانا پڑ جاتا ہے -1ضرورت کا تعین کیجیے لیپ ٹاپ کی خریداری سے پہلے یہ مرحلہ سب سے اہم ہے جس کی طرف بالکل توجہ نہیںکی جاتی ۔بلکہ نظر صرف’’ لیپ ٹاپ‘‘ کی چمک دمک پر ہوتی ہے۔لہٰذا سب سے پہلے اپنی ضرورت کا تعین کیجیے کہ آپ لیپ ٹاپ کس مقصد کے لیے خرید رہے ہیں ۔مثلاً اگرا ٓپ ایک طالب ہیں (اور لوڈشیڈنگ کے ستائے ہو ئے ہیں) تو آپ کو زیادہ مہنگا لیپ ٹاپ خریدنے کی ہرگز ضرورت نہیں ،اگر آپ گرافکس پروفیشنل ہیں تو پھر یقینا آپ کو بہت سی چیزوں کا خیال رکھنا ہو گا۔اوراگر آپ کو زیادہ سفر کی ضرورت پیش آتی ہے تو آپ کو چاہیے کہ آپ’’ الٹرابک ‘‘یا ’’سلیپ بک‘‘ کا انتخاب کریں کیونکہ یہ وزن میں کافی ہلکے ہوتے ہیں اور ان کی بیٹری بھی زیادہ چلتی ہے لہٰذا انہیں ساتھ رکھنا آسان ہو تا ہے ۔-2بجٹ کا تعین کیجیےضرورت کے تعین کے بعد اس بات کا تعین کیجیے کہ آپ کا بجٹ کتنا ہے ،یعنی لیپ ٹاپ نیا خریدنا ہے یا استعمال شدہ۔لیکن ترجیح اس بات کو دیجیے کہ لیپ ٹاپ نیا ہی خریدیں تو بہتر ہے ۔لیپ ٹاپ میں بنیادی طور پر 4چیزیں اہمیت کے حامل ہوتی ہیں ، (۱)پروسیسر(۲)ریم(۳) ہارڈ ڈسک(۴)بیٹری-3پروسیسر کا انتخابضرورت اور بجٹ کے تعین کے بعد اب آپ لیپ ٹاپ کا کارکردگی اور اور خصوصیت کے اعتبار سے جائزہ لیجیے کہ کون سا پروسیسرآپ کی ضرورت کو پورا کر سکتا ہے ۔ اس وقت مارکیٹ میں corei7دستیاب ہے،جو کہ انتہائی قیمتی ہے ۔لیکن اگر آپ کو لیپ ٹاپ پر صرف انٹرنیٹ استعمال کرنا ہے تو آپ کے لیے Dualcore پروسیسر انتہائی کم خرچ اورمفید ہے ۔-4ریم کا انتخابایک عام صارف کے لیے کم از کم ایک جی بی کی ریم کافی ہے۔ریم میں لوڈ ہونے والے پروگرام عارضی ہوتے ہیں لہٰذا اس کے انتخاب سے آپ اپنی رقم بچا سکتے ہیں۔اس کا انحصار اس بات پر ہے کہ آپ لیپ ٹاپ میں کتنی ایپلی کیشنز کا استعمال ایک ساتھ کرتے ہیں۔-5ہارڈ ڈسک کا انتخابلیپ ٹاپ کی خریداری میں تیسری اہم چیز ہارڈ ڈسک ہے ۔اگر آپ کا ڈیٹا زیادہ نہیں تو آپ کے لیے 160جی بی کی ہارڈ ڈسک کافی ہے ۔اس وقت مارکیٹ میں ایس ایس ڈی (سالڈ سٹیٹ ڈسک) بھی دستیا ب ہے جس کے استعمال سے آپ اپنی بیٹری کاوقت بڑھا سکتے ہیں ،لیکن یہ عام ہارڈ ڈسک کی نسبت کافی مہنگی ہے-6بیٹریموبائل فون کی طرح لیپ ٹاپ میں بھی سب سے زیادہ اہمیت کے حامل اس کی بیٹری ہوتی ہے،عام طور پر لیپ ٹاپ میں 6سیل تک بیٹری موجود ہوتی ہے ۔ اس وقت مخصوص ماڈلز کی 9اور12سیل والی بیٹریز بھی دستیا ب ہیں ۔اس بات کا تعین آپ نے کرنا ہے کہ آپ کا روزمرہ استعمال کتنا ہے ۔چند احتیاطی تدابیر،وارنٹی ضرور لیںاگر آپ نیا لیپ ٹاپ خرید رہے تو ہمارا مشورہ ہے کہ انٹرنیشنل وارنٹی کی جگہ لوکل وارنٹی لیجیے ۔لیپ ٹاپ خراب ہونے کی صورت میں انٹرنیشنل وارنٹی میں آپ کو اپنا لیپ ٹاپ باہر بھیجنا پڑے گا جس کے تمام تر اخراجات آپ کو خود برداشت کرنا پڑیں گے ۔گرافکس کارڈ سے گریز کریںعام اور زیادہ استعمال کرنے والے گرافکس کارڈ کے استعمال سے گریز کریں۔ کیونکہ یہ بہت جلد گرم ہوجاتا ہے جس کی وجہ سے لیپ ٹاپ مسائل کا شکار ہو جا تا ہے ۔اس وقت 80%سے زائد مسائل لیپ ٹاپ کے گرم ہوکربند ہونے کی شکایات پر مبنی ہیں ۔لیکن اگر آپ کو گرافکس کارڈ کے استعمال کی ضرورت محسوس ہوتی ہے تو اس کیساتھ آپ کولنگ پیڈ ضرور خریدیں۔سکینڈ ہینڈ لیپ ٹاپ چیک کریںاگر آپ سکینڈ ہینڈ لیپ ٹاپ خریدنے کا ارادہ رکھتے ہیں توموقع پر ونڈو کرکے دیکھ لیں ۔اگر ونڈو کرتے وقت اس میں کوئی ایرر آجائے تو سمجھ لیجیے کہ اس لیپ ٹاپ میں کوئی مسئلہ ہے ۔آپ اس بات کا خیال رکھیے کہ لیپ ٹاپ استعمال کے لحاظ سے زیادہ پرانا نہ ہو۔مستندڈیلرکا انتخاب کیجیےکچھ ڈیلر اور دکاندار لیپ ٹاپ کے ساتھ آنے والی بیٹری اور چارجر کو چائینہ کی بیٹری اور چارجر سے بدل دیتے ہیں ۔لہٰذا لیپ ٹاپ کی خریداری ہمیشہ کسی مستند یا مجاز ڈیلر سے ہی کریں۔
