کیا خلا میںآوازیں سنی جا سکتی ہیں؟
اسپیشل فیچر
روشنی کی طرح آواز بھی لہروں کی صورت میں سفر کرتی ہے لیکن روشنی کے برعکس آواز خلا میں سفر نہیں کرسکتی۔ صوتی توانائی ارتعاش کے ذریعے آگے بڑھتی ہے۔ آواز پیدا کرنے والے آلے کا حصہ تیزی سے تھرتھراتا رہتا ہے۔ وہ ارتعاش ہوا میں منتقل ہو کرمالیکیولز کو آپس میں ٹکرانے کا باعث بنتا ہے۔ یوں صوتی توانائی ایک سے دوسرے مالیکیول تک آگے بڑھتی ہے۔ ہمارے کانوں تک پہنچتی ہے۔ آواز صرف ہوا کے مالیکیولز کو بھی وسیلہ بنا سکتی ہے لیکن خلا بالکل بے آواز ہے۔ وہاں اسے ارتعاش دینے کے لیے کوئی مالیکیولز موجود نہیں۔آواز کی پیمائش کیسے کی جاتی ہے؟آواز لہروں کی صورت میں آگے بڑھتی ہے۔ لہر کی شکل پیدا کی گئی آواز کا تعین کرتی ہے۔ آواز کی پچ کا دارومدار صوتی لہروں کی فریکوئنسی پر ہے۔ فریکوئنسی کا مطلب ہے کہ آواز ایک سکینڈ میں کتنی لہریں یا ارتعاش پیدا کرتی ہے۔ اسے ہرٹز(Hz) میں ناپا جاتا ہے۔ آواز کی بلندی کا دارومدار لہروں کی اونچائی پر ہوتا ہے۔سونار کیا ہے؟سونار نامی آلہ الٹر ساونڈ لہروں کی مدد سے معلوم کرتا ہے کہ کوئی چیز کتنی دور اور کیسی ہے؟ آوازیں نشر ہوتی اور چیز سے ٹکرا کر واپس آتی ہیں۔ لہروں کی روانگی اور واپسی کے وقت کا فرق چیزکا فاصلہ بتاتا ہے۔ سونار کے ذریعے کشتی کے نیچے سمندر کی گہرائی ناپی جاسکتی ہے۔موسیقی کی زبان کیا ہے؟موسیقی کی زبان مختلف سروں کو لکھنے کا ایک طریقہ ہے۔ اس کی مدد سے گلوکار یا موسیقار ان سروں کو بجانے کے قابل ہوجاتا ہے۔ سونک بوم سے کیا مراد ہے؟کچھ ہوائی جہاز آواز کی رفتار سے تیز سفر کرسکتے ہیں۔ ان کے انجنوں کی آواز ان کے گزرنے کے بعد آتی ہے۔ بعد میں سنائی دینے والی آواز کو سونک بوم کہتے ہیں۔ہارمونکس کیا ہے؟بیش تر آوازیں واحد فریکوئنسی اور طول موج کی حامل نہیں ہوتیں۔ آواز کے ساتھ دیگر فریکوئنسیز مل جاتی اور مخصوص لے پیدا کرتی ہیں۔ ان مختلف فریکوئنسیز کو ہارمونکس کہتے ہیں۔آواز کی رفتار کیا ہے؟تمام آوازیں گھر کے اندرونی درجہ حرات میں 343میٹر (1125 فٹ) فی سکینڈ کی رفتار پر سفر کرتی ہیں۔آرکسٹرا میں شامل سازآرکسٹرا میں مختلف آوازیں پیدا کرنے کے لیے متعدد ساز شامل ہوتے ہیں۔ عموماً آرکسٹرایا سازینہ وائلن، بربط، طبلے، پیانو، بانسری، بین وغیرہ پر مشتمل ہوتا ہے۔ کیا آواز خطرناک ہوسکتی ہے؟120 ڈیسی بل سے زیادہ فریکوئنسی والی آوازیں انسانی کانوں کے لیے تکلیف کا باعث بن سکتی ہیں۔ حتیٰ کہ ان کی وجہ سے انسان بہرہ بھی ہوجاتا ہے۔الٹرا سائونڈ کیا ہے؟20,000ہرٹز سے زائد فریکوئنسی والی آوازوں کو الٹرساونڈ کہا جاتا ہے۔ ایکسرے کی طرح الٹرا سائونڈ بھی ہمارے جسم کے اندرونی حالات جاننے کے لیے استعمال ہوتا ہے۔کیا گلوکار واقعی شیشہ توڑ سکتا ہے؟تقریباً تمام میٹریل ارتعاش میں آسکتے ہیں لیکن اس کے لیے انہیں مختلف فریکوئنسیز کی ضرورت ہوتی ہے۔ اگر کسی چیز کی فطری فریکوئنسی جتنی ہی فریکوئنسی کی حامل آواز پیدا کی جائے تو وہ بازگشت پیدا کرسکتی ہے۔ اگر کوئی گلوکار شیشے کی فریکوئنسی والے خالص سر میں گائے تو شیشہ شدید ارتعاش کے باعث ٹوٹ سکتا ہے۔کون سی آوازیں جانوورں کو سنائی دیتی ہیں لیکن انسان کو نہیں؟انسانوں میں 20تا 20,000 ہرٹز کی فریکوئنسی والی آوازیں سننے کی صلاحیت ہے۔ کتے 50,000 ہرٹز تک کی آوازیں سن سکتے ہیںجب کہ چمگادڑیں اڑنے کے دوران 1,20,000 ہرٹز کی آوازیں بھی سن سکتی ہیں۔٭…٭…٭
