بھوک لانے والی دوائیں
اسپیشل فیچر
بھوک لانے کے لیے بھی مختلف قسم کی انگریز، یونانی اور ہومیو پیتھک دوائیں استعمال کی جاتی ہیں۔ ان دواؤں میں بھوک لانے کے علاوہ مختلف وٹامن اور معدنی نمکیات وغیرہ بھی ہوتے ہیں۔ اس طرح کی چند دوائیں درج ذیل ہیں:موسی گار(Mosegor)ٹریس اور یکس فورٹ(Tresorix forte)ٹرائی میٹابول(Trimetabol)مضراثرات٭ اونگھ آنا اور سستی٭ منہ خشک ہونا اور قبض٭ بچوں میں ذہنی صلاحیت میں کمیاحتیاط٭ مائیں خاص طور پر بچوں کو دودھ پلانے والی عورتیں استعمال نہ کریں۔٭ الرجی دور کرنے والی یا سونے والی دواؤں کے ساتھ استعمال نہ کریں۔٭ چھوٹے بچوں کو استعمال نہ کروائیں۔دوا کی نوعیت اور ضرورت کی اہمیتکئی بیماریوں میں اور بعض اوقات سمارٹ رہنے کے چکر میں موٹاپا دور کرنے والی دوائیں استعمال کرنے سے بھوک بالکل ختم ہو جاتی ہے۔ لہٰذا اب تلاش ہوتی ہے، بھوک لانے والی دواؤں کی۔ یہ دوائیں ایک مصنوعی سہارے کی طرح عمل کرتی ہیں اور جب تک ان کو استعمال کیا جاتا رہے، تھوڑا بہت ضرور اثر کرتی ہیں، لیکن جونہی ان کو لینا چھوڑ دیا جائے پہلے والی صورت لوٹ آتی ہے اور دوسری تیسری دفعہ دوا کے استعمال کا بھی کوئی خاص فائدہ نہیں ہوتا۔لمبی بیماریوں میں بستر میں زیادہ دیر لیٹا رہنے کیوجہ سے بھوک ختم ہو جاتی ہے۔اس دوران مریض کو دواؤں کے ساتھ ساتھ نفسیاتی سہارے کی بھی ضرورت ہوتی ہے، جو اسے اگر نہ ملے تو پھر بیماری کے ساتھ مقابلہ کرنے کی ذہنی صلاحیت بھی بالکل ختم ہو جاتی ہے، اس لئے ضروری ہے کہ ایسی حالت میں مریض کو زیادہ سے زیادہ سہارا دیا جائے۔ کبھی کبھار بھوک لانے والی دوائیں استعمال کرنے میں کوئی حرج نہیں، لیکن اس کے لیے ڈاکٹر سے مشورہ کرنا ضروری ہے۔آسان اور متبادل علاجبعض جسمانی اور نفسیاتی بیماریوں میں بتدریج بھوک میں کمی ہوتی رہتی ہے۔ کسی چیز کو کھانے کو دل نہیں کرتا۔ اس وجہ سے بھوک لانے والی دوائیں استعمال کی جاتی ہیں، مگر یہ زیادہ تر دیرپا اثر نہیں کرتیں۔ بھوک لانے کے لیے مندرجہ ذیل آسان گھریلو نسخوں پہ عمل کریں:٭ بھوک کم ہونے کی صورت میں اپنے کھانے کے شیڈول میں تبدیلی کریں۔ تین دفعہ کھانا لیتے ہیں ،تو اس کو پہلے چار دفعہ پھر پانچ دفعہ اور آخر میں چھے دفعہ کر دیں۔ کھانے میں وقفہ کم اور کھانے کی مقدار کم کریں۔ شروع میں پینے والی چیزوں میں اضافہ کریں۔ دودھ اور اس کے ساتھ تازہ پھل اور جوس کا زیادہ استعمال کریں۔٭ کھانے میں نشاستہ دار غذاؤں، مثلاً آلو، چاول، مٹھائیاں وغیرہ استعمال کریں۔٭ کھانے والی جس چیز سے زیادہ رغبت ہو اسے خوب استعمال کریں۔٭ روزانہ کی سیر اور ورزش کو معمول بنائیں۔٭ کھانا کھاتے وقت اس بات کی فکر نہ کریں کہ اس سے طبیعت خراب ہو جائے گی یا قے ہو جائے گی۔ قے ہو بھی جائے تو گھبرانے کی ضرورت نہیں۔ قے کی صورت میں پینے والی اشیاء کے ساتھ نمکول کا استعمال بھی کریں۔٭ موسمی اور تازہ پھلوں کا زیادہ استعمال کریں۔طبِ نبویؐ٭ سنڈھ کا مربہ بھوک لگاتا ہے، کھانا ہضم کرتا ہے۔٭ لہسن کی تین عدد پوتھیاں Cloves ایک کپ گرم پانی میں ابالیں،مناسب لیموں کا رس شامل کر کے استعما ل میں لائیں۔٭ کینو یا سنگترہ اور کھٹے انگور کا رس بھوک لگانے میں اہم کردار ادا کرتا ہے۔(دوا،غذا اور شفاء سے ماخوذ)٭…٭…٭
